El solito paginon

Come in ogni settimana,n’antra volta, puntuale,è rivà ’nca de sti giorniel paginon su l’Arsenale...con el Sindaco e i so fiditutti in ghingheri, schierà,che ne spiega nel futurol’Arsenàl come el sarà:Ghe sarà la Cignaroli,du musei, un ristorante,spassi verdi par fameje,la cultura più importante,e gran mostre prestigiose,grandi sale, bei saloni,e caffè, bar e concerti,sport e manifestassioni!...... su par zo le stesse robeche, da quasi quarant’ani,altri Sindaci e Assessorin’ha contàdo a piene maniin domìla sopralluoghisempre tutti in giro a pié,con codasso de assessori,segretari e leccapié...A tute queste esibissioni,fotografàde in sotto e su,el cittadin, za buzaràdo,no ’l ghe crede gnanca più!Ghe sarà forse qualchedun,o più ingenuo o smemoràdo,che de tante vecie baleel s’ha za desmentegàdo...e, sentendo ste promesse(tutte vaghe po’ in sostansa),el se sforsa fiduciosode far nàssar na speransa...e quei de adesso qualche ideai g’avrà forse in scarsèla...ma dopo così tanti imbròj,mile bale e na capèlache par giorni mesi e anni,fra proclami e paroloni,impenì i ha i cittadinisol de sogni e de illusioni,no sarìa mìa doverosode sti annunci ormai far sensa?Far qualcosa!, e solo dopoimpiantàr na conferensa!Intanto... gnanca na parola– anca stavolta proprio gnente! –sul teatro lì a l’apertoche za attira tanta gente!Impegnàdi a contàr fólesul futuro de Verona,fra tante robe no i s’incorzede la sola che funsiona!